Ang mga bata mao ang atong kaugmaon, alang sa pamilya, sa negosyo, ug sa nasud.
Kinsa ang mo-atiman, sa panahon kon ang mga ginikanan matigulang, masakiton ug dili na makatrabaho? Sa pipila ka mga nasud sa tibuok kalibutan, gibutang sila sa mga balay katigulangan nga lungsuranon, nahilayo sa mga minahal ug nalimtan nalang. Dinhi sa Pilipinas, sama sa kadaghanan sa mga nasud sa Asya, ang sunod nga henerasyon sa pamilya mao ang mo-atiman, pinaagi sa pagsuporta kanila bisan asa sila, bisan sa pinansyal. Busa, ang atong mga anak kinahanglan nga atong atimanon ug edukahon nga mahimong responsable ug matinahuron nga mga anak hangtod nga sila modako.
Alang sa negosyo, ang edukado nga mga empleyado usa ka bulawan, modumala aron magmalambo-on ang usa ka kompanya. Maoy hinungdan, nga dunay mga kompanya sa laing nasud nga interesado nga motabang sa pagpa edukar sa mga bata. Kini usab ang ilang katuyoan sa pagsuporta sa mga pampublikong tulunghaan, mga magtutudlo ug kawani. Ang mga donasyon alang kanila usa ka pamuhunan, usa ka pamuhunan sa karon ug sa umaabot nga henerasyon.
Ang usa ka nasud nga adunay mas taas nga edukado nga mga tawo adunay mas taas nga sukdanan sa panginabuhi ug wala magdepende sa mga langyaw nga pamuhunan ug mga mamumuo. Nagpasabot nga dili nila ibaligya ang ilang mga kabtangan ngadto sa mga langyaw nga kompanya sa pamuhunan. Ang Gobyerno naghatag lamang sa basic needs sa mga pambublikong tunghaan. Tungod niana, ang pagpa edukar sa kabataan usa gihapon ka bug-at nga palas-unon sa mga ginikanan ug mga magtutudlo.
Salamat sa imong pagtagad ug ubay-ubay nga mga Donasyon.
Ellen P. Ramas
President SWIBU-Cebu
